CHAPTER 71
Tuloy-tuloy na sumunod si Miguel sa katulong na siyang nagpapasok sa kanya sa loob ng bahay ng mga Millares. Ngayong araw nga ay sinadya niyang pumunta roon upang makipagkita at makausap ang mga magulang ni Allana.
Sinadya niya na pumunta sa tahanan ng mga ito nang bandang alas-dies ng umaga. Sa oras na iyon ay alam na niyang nasa Millares Advertising Company na si Allana at hindi na sila nito magpapang-abot pa.
Hindi na kailangan pa na malaman ng dalaga na kakausapin niya ang mga magulang nito. For now, nais niya na makaharap muna ang mag-asawang Millares at komprontahin ang mga ito tungkol sa kung ano man ang totoong nangyari sa ospital sa bansang Turkey.
Nang dumating siya ay agad siyang pinagbuksan ng isang katulong. Hindi siya pamilyar sa babaeng nagbukas sa kanya ng ga
