CHAPTER 58
Ilang minuto din ang itinagal ng halik na iginagawad ni Mattheo kay Zehra. Nagagalit siya sa dalaga, aminado siya roon. Nagagalit siya sa ginawa nitong pagpapakita kina Emre at ang hindi na lamang pagkubli sa dati nilang pinagtataguan. At ikinagagalit niya rin ang hindi nito paghintay sa mga sasabihin niya at ang paggawa nito ng sariling desisyon.
At kahit nais niyang bumaba mula sa puno kanina ay hindi niya ginawa. Mas delikado, hindi lang para sa kanya, kung hindi pati na rin para sa dalaga.Mas higit na rin para sa dalaga.
Mababalot na ng pagdududa para sa kanilang dalawa si Emre kapag nakita nitong magkasama silang dalawa ni Zehra roon, lalo pa kapag makita nitong umakyat siya sa punong katabi mismo ng bahay na pag-aari nito. Kaya naman, gustuhin niya man na bumaba at lapi
