CHAPTER 60
Hindi agad nakasagot si Zehra sa mga sinabi ni Emre. Pakiramdam niya ay may iba pang kahulugan ang mga sinabi nito kanina. May kakaiba din sa uri ng tingin na iginagawad nito sa kanya. He was staring at her intently and... knowingly.
Isang tikhim pa muna ang ginawa nito bago inilahad ang isang kamay at iminuwestra na tumuloy siya palapit sa mesang naroon, which Zehra did. Kalmante siyang naglakad palapit sa mesa ngunit hindi siya nag-abala na maupo sa bakal na upuang naroon.
She roamed her eyes around instead. May ilang tauhan itong nakatayo sa 'di kalayuan. Hindi nakamasid ang mga ito sa kanila ngunit alam niya na nakikiramdam ang mga ito sa kung ano man ang maaaring mangyari.
"Have a seat, Allana."
Muli siyang napalingon kay Emre nang marinig niya itong magsalita ulit. Na
