CHAPTER 61
Agad ang pagtalon na ginawa ni Mattheo mula sa mataas na sementadong bakod ng bahay na pag-aari ni Emre. Matapos niyang makatanggap ng tawag mula kay Zehra kanina ay alam na niya na nabulilyaso ang mga planong ginawa nila kaya naman agad din siyang tumawag sa mga awtoridad sa lugar na iyon.
Hindi na niya hinintay pa na dumating ang mga pulis sa naturang address. Mabilis ang mga kilos na lumapit siya sa puno na dati na niyang inakyat nang unang beses na nagtungo sila roon ni Zehra. Agad na lumipat siya sa sementadong bakod at mula roon ay tumalon si Mattheo upang makapasok sa solar na pag-aari ni Emre.
Agad na nakatawag ng pansin ang paglapag niya sa may bakuran. May isang tauhan si Emre na malapit lamang sa kanyang binabaan. Lumingon ito sa kanyang direksyon. Bago pa man maka
