Kagat- kagat ni Fara ang kanyang labi habang pakalat-kalat ang tingin sa paligid. Hindi siya makatingin kay Landy. Nahihiya pa rin kasi siya rito na ewan.
“Are you okay?” Narinig niya ang bahagyang pagtawa ni Landy habang sinasabi iyon.
Dumiin ang pagkakagat niya sa kanyang labi at napahinga nang malalim. Bahagya pa siyang napaatras nang maramdaman niya ang kamay ni Landy na kinuha ang dalawa niyang kamay. Napalunok siya nang bahagya siya nitong hilahin palapit dito. Nanlaki pa ang kanyang mga mata habang dahan-dahang tumingin dito. Lumunok ulit siya.
Nang magsalubong ang mga tingin nil ani Landy ay kitang kita niya ang nakakunot na noo nito habang tila takang taka ang mukha. Marahil ay nawe-weirduhan na ito sa kanya.
Huminga siya nang malalim at saka sinubukang tumingin
