“Iba na talaga si Fara, may pa-surpresa na o!” Umingay na naman ang mga kasama ni Fara nang sabihin iyon ni Jessa.
Panibagong araw na naman at halos lahat sila ay nasa harapan ng kubo at nakaupo sa mga nakahilerang banig na pinaglagyang ng mga pini-pirapirasong mga mais. Halos mga kabataan silang naroon dahil ang mga matatanda ang nasa manggahan kasama ang kanilang amo. Nadoon din si Landy kasi ito ang kinakausap ng amo nila tungkol sa kung anong bagay.
Umirap siya sa kababata. “Grabe naman, kaibigan ko rin naman iyong tao. Ginawan din kaya kita ng ganoon, Jess,” sabi niya pa.
Totoo naman kasi na sa lahat ng mga kaibigan niya ay may ginawa siyang kahit paano bilang birthday gift sa mga ito. Ganoon talaga siya, e. Kaya rin sisguro hindi siya mapakali na wala siyang ginawa noo
