Buong linggong hindi mapakali si Fara sa mga nangyayari sa kanila. Mas naging alerto siya sa paligid nila ni Dee. Mas naging protective din siya sa anak na halos ayaw na niyang mawala ito sa kanyang paningin. Kung pwede nga lang na minu-minutong tawagan ang adviser ng kanyang anak ay ginawa na niya. Sobrang paranoid niya na talaga.
“Ate, baka naman kasi nasobrahan ka na sa panonood ng mga thriller at mga documentaries diyan no. Paborito mo pa namang libangan iyan.”
Nasapo na lang ni Fara ang kanyang noo sa sinabi ni Bel sa screen, Alas otso noon ng gabi at ka-video call niya ang kanyang kapatid. Nasa tabi siya ni Dee na himbing na himbing na ang tulog. Ilang araw na rin simula nang sa kwarto siya ng anak natulog. Ayaw niya lang talagang nalilingat dito at hindi siya napapakali. P
