“Dee, ano ang sinabi ko sa’yo?” muling tanong ni Fara nang makababa sila sa eskwelahan ni Dee.
Ngumuso ang kanyang anak at saka kumapit sa magkabilang strap ng backpack nito. “Opo, mama. Naiintindihan ko po,” sagot nito sa kanya.
Napabuntong-hininga na lang siya at saka tumango. Tinapik niya ang balikat ni Dee at nginitian ito. “Nandiyan na ang lunch mo ha. May nilagay din akong pera pag gusto mong bumili. Pero, tandaan ang bawal na bilhin, okay, Dee? Susunduin ka ni mama mamaya. Dating gawi okay?”
Tanging pagtango lang ang isinagot ni Dee sa kanya. Napabuntong- hininga ulit siya at saka yumuko para halikan sa noo ang kanyang anak. Niyakap niya pa ito nang mahigpit bago ito tuluyang pinalakad papasok sa classroom nito.
Nakagat niya na lang ang kanyang labi habang pinagma
