"Didn't you know that time is very important to business', Miss Guttierez?" bungad na tanong ni Jake pagkapasok ko ng conference room. Kompleto na ang lahat, ang mga team leads at sina Jake kasama sina Mr. Thomas at Mr. Stanford.
Mukhang ako na nga lang ang hinihintay. Late ako ng thirty minutes dahil sa matinding pagkahilo na naramdaman ko paggising ko. Nagsusuka din ako kaya naman sa panghihina na naramdaman ko ay nakatulog ulit ako. Mukhang maselan ang pagbubuntis ko at pahihirapan ako sa trabaho sa susunod na mga araw.
Kailangan ko lang sigurong tapusin ang mga paper works at ang dalawang projects na nakaatang sa team ko at magre-resign na talaga ako. Ayokong dumanas ng stressful na pagbubuntis. Stressful na nga ang kalagayan namin ng tatay ng dinadala ko. Stressful pa ang trabaho.
