Pinulot ko ang pang-apat na bote ng beer habang nakatanaw sa babaeng nag-iinom kasama ang dalawang mga kaibigan.
Makikita mo ang pagguhit ng pait ng alak base sa reaksyon ng kaniyang mukha habang patuloy pa din ang paglagok.
Mapait pala bakit ka pa kasi iinom? Bulong ko na tila ba naririnig niya ako. Nakita ko ulit siyang kumuha pa ng alak at ininom ulit. May mga luha na namamalisbis sa kaniyang mga pisngi na hindi na niya inabalang punasan.
Natutuyo na lang ang kaniyang mga luha na hanggang ngayon ay wala pa ding humpay kung tumulo mula sa kaniyang mga mata. Gone are the days kung saan makikita mo ang nagniningning at nangungusap niyang mga mata.
Napalitan na ito ng sakit at puot. Isang linggo na at gabi-gabi siyang narito sa bar para mag-inom at umiyak. Hindi ba dapat sa bahay na
