“Boss ako na ang bahala dito, lahat ng binigay mo sa akin na instructions ay iyon ang ipapagawa ko sa kanila. Mas mabuti na mag stay ka na lang dito sa mansyon ng hindi ka na awayin pa ni Ma’am Andrea.” pabiro niyang pahayag sa amo.
“Sige Jun, bahala ka na sa lahat basta tawagan mo lang ako kung may ibang kakailanganin pa.”
“Copy, boss.” at bumalik na siya sa kotse. Subalit nagulat siya ng makitang naka upo sa front seat ang dalaga.
“Ma’am Victoria, saan ho ba ang lakad mo sa ganitong oras ng gabi?”
“”Basta mag drive ka!” masungit nitong sagot.
Hindi na lang siya sumagot at sinunod ang utos nito. Wala silang imikan habang mabilis ang takbo sa kahabaan ng Ayala road. Paminsan minsan ay sinusulyapan niya ang katabi ngunit naka pikit ito. Kaya malaya niyang pinagmamasdan, kahit nakatagil
