Nakangusong pinagmasdan ni Fauleen si Lincoln na seryosong-seryoso sa cell phone nito. Mas tumulis ang kanyang labi at hinigpitan ang yakap sa lalaki. Nakasandal ito sa headboard ng kama habang siya ay nakaunan naman sa dibdib nito at nakayakap. Kanina pa sila gising at kanina pa rin talaga niya gustong lumabas at magtampisaw na sa dagat kaso hindi pa naman bumabangon itong asawa niya.
Nakagat niya ang labi habang nakatitig dito. “Are we trending?” tanong niya. Saglit na napatigil pa si Linc at saka lumingon sa kanya.
Pumirmi ang kamay nito sa kanyang bewang. Ngumisi pa ito tapos ay hinalikan siya sa noo. Napabuga na lang siya ng hininga at saka ibinaon ang mukha sa dibdib nito. Humigpit pa ang yakap niya rito. Ipinikit niya ang kanyang mga mata.
It’s been two days since they left M
