Papalabas pa lang ng elevator ay tanaw na tanaw na ni Fauleen ang kanyang mga kapatid, at ang mga kapatid ng daddy niya na nasa hallway at nag-uusap. Saglit siyang napatigil at napatitig sa mga ito. Huminto rin ang kanyang yaya. Tiningnan siya nito.
Naramdaman niya ang pagpisil nito sa kanyang braso. Nang lingunin niya ito ay tipid na nginitian lang siya nito.
"Halika na?" sabi pa nito.
Nakagat niya na lang ang kanyang labi at napayuko. Narinig niya ang pagbuntong-hininga ng kanyang yaya at kasabay noon ay ang pag-akay nito sa kanya palapit sa kumpol ng kanyang mga kamag-anak. Habang palapit sila ay mas lumalakas ang mga boses nito. Nangingibabaw ang boses ng kanyang Tita Ave na galit na galit at gigil na gigil.
"Ma'am Ave…" tawag ng kanyang yaya.
Mas lalong kumalabog ang kanyang
