Paranoia. Iyan ang nararamdaman ni Fauleen buong araw. Sobrang magugulatin niya kahit na sa maliliit na bagay lang. Palagi pa siyang nagsi-space out nang hindi malaman. Ni hindi na niya mabilang kung ilang beses siyang natulala habang naglilinis. Kada may tumatawag sa kanyabg pangalan ay nagugulat siya. Miski pagtapik nga lang sa balikat, e, napapaigik na siya.
"Te, bakit parang ang weird mo ngayon? Okay ka lang ba? Parang napakamagugulatin mo naman yata?" Kunot na kunot ang noo ni Jena na nakatingin sa kanya.
Maging sina Petra at Wena ay nabaling na rin ang tingin sa kanya. Iniwas na lang niya ang kanyang tingin sa mga ito. Umiling siya.
"O-Okay lang ako," mahinang sambit niya bago yumuko at ibinaling ang atensyon sa kanyang hinihiwang carrots.
Nasa kusina silang apat at naghihiwa
