Mula sa yate ay tanaw ni Jillian ang Aplayang Munti lalo na ang maliwanag na ilaw na nagmumula sa beach house. Hindi sila kalayuan sa baybayin pero sapat na para masolo nila ang isa't-isa sa gabing yon. May ilan pang mga bisita na nagkakasiyahan kasama na ang mga tauhan ng Geizler Companies and Hotels na halos invited lahat sa kasal nila ni Jack. At dinig nya rin ang ingay buhat sa kinatatayuan nya pero hindi ganun kalinaw at kalakas. Sapat na para masabi nyang nagkakasiyahan pa ang mga tao doon.
Iniwan nila si Jaica sa magulang ni Jack. Gusto pa sana nitong sumama pero ng may ibinulong dito si Jack ay nagpa-iwan din ito. Parang natuwa pa ang anak nila sa sinabi ng ama at excited pa itong umalis sila. At ng tanungin nya ang asawa kung ano ang sinabi nito sa anak isang makahulugang ngiti l
