Cassius' POV
"Mali ito, Cecilla. Bago pa lang tayi nagkakilala. Hindi mo pa ako kilala Cecilla. Marami ka pang dapat na malaman tungkol sa pagkataong mayroon ako," wika ko kasabay ng pagtalikod ko sa kanya. Hindi ko inakalang magagawa ko pa rin ang tumanggi lalo pa at nanaig na sa aking katawan kanina ang matinding pagnanasa para sa kanya.
"Ikaw si Alastair at sapat na sa akin iyon. Alam ko na ang iyong pangalan," wika nito sa akin, kapansin-pansin sa kanyang boses ang labis na pagtitiwala niya sa akin.
Napapikit ako. Sa tuwing sinasambit niya ang pangalang ibinigay ko sa kanya, sa tuwing naririnig ko ang pangalang ginamit ko ay hindi ko maiwasan ang makaramdam ng matinding pagkamuhi.
Hindi ko alam kung magagawa ko bang hindi pagsisihan ang ginawa kong iyon. Ang paggalit ng pangalan
