“MABUHAY ANG BAGONG KASAL! MABUHAY!” Masayang sigawan ng mga tao dumalo sa simpleng kasal nina Melissa at Jarred.
Mababakas ang umaamapaw na kaligayahan sa mga mata ng mga ito matapos na maglapat ang kanilang mga labi para sa unang beses na halik na kanilang pinagsaluhan bilang mag-asawa.
Maluha-luha pa nga ang dalawa dahil sa kaligayahan, dahil sa wakas naikasal na sila.
Napakakisig ng asawa ni Melissa sa suot nitong barong tagalog na siya mismo ang pumili dito at gano’n din naman siya. Isang simpleng damit pangkasal lamang ang kanyang suot, pero nagmumukhang elegante iyon kapag suot niya.
Lalo kasing tumingkad ang kanyang kagandahan dahil sa traje de boda na iyon, may flower crown din kaya naman nagmukha tuloy siyang dyosa ng kagubatan.
Ang lahat ay nagagalak sa kanila, bumabati
