Walang pagsidlan ng tuwa sa puso ni Melissa sa araw ng kanyang birthday na mas lalong naging espesyal dahil sa proposal ni Jarred. HIndi talaga niya akalain na gagawin iyon sa kanya ng lalaki.
Sana lang hindi na tumutol ang kanyang mga magulang kapag nalaman ng mga ito na ikakasal na siya. Pero mauunawaan naman siguro siya ng kanyang Tatay at nanay.
“Schedule natin ang pagtungo sa bahay ninyo love ha, alam mo naman na wala na akong mga magulang at wala rin dito ang mga kamag-anak ko kaya sarili ko lang talaga ang madadala ko sa inyo para makausap ang mga magulang mo para maitakda ang ating kasal. Ayoko ng patagalin pa eh, ayoko rin kasi palagi na lamang nangangamba na baka maagaw ka pa ng iba. BInigyan na tayo ng pangalawang pagkakataon at ayaw ko ng masayang pa ang pagkakataong iyon l
