PAGSAPIT ng malamig at mahamog na umaga, alas kuwatro pa lang yata, gising na silang lahat. Si Sir Kai ang gumising sa ‘kin dahil si Gideo, kausap ulit ang mga capo n’ya habang ni-re-review nila ang mapa.
Ang lamig-lamig. Literal na ngangatog talaga ang katawan ko. Tinimplahan na rin ako ng kape ni Sir Kai at doon nainitan ang sikmura ko. Ang titibay ng ibang soldiers dahil naligo pa talaga sila sa batis. Umuusok ang mga katawan nila habang papasok dito sa kuweba.
Alas singko na kami nakaalis sa kuwebang 'yon. Lumarga na kami paalis doon. Akala ko malayo pa ang lalakarin namin pero umabot lang yata ng dalawang oras, nang maka-baba kami sa tuktok ng bundok na iyon, nakarating na kami sa aming destinasyon.
Nakakatuwa dahil mainit nila kaming sinalubong.
Nagtatakbuhan pa ang mga bata p
