"Kailangan pa nating magtiis dito." Seryosong ani ni Thaddeus sa akin. Abala ako sa pagkagat sa manga. Walang kutsilyo dahil hindi naman kami bibigyan ng mga bantay, kaya naman ang hiningi na lang ni Thaddeus ay asin at sili na nakalagay sa mangkok. Para hindi halata ay humingi na rin ito ng sampalok. Iyon ang akala ng mga tauhan na isasawsaw ko.
Hindi pa namin nakita si Cathaline at William. Baka busy sa pag-counter attack sa mga Zimmer.
"Okay lang, basta safe tayo. Iyon naman ang mahalaga sa akin." Sagot ko na medyo naglaway pa dahil sa maasim na manga na nginunguya. Saka dinutdot ng daliri ang sawsawan saka inilapit sa labi.
"Sarap." Parang nanunubig pa ang bibig dahil sa satisfaction na naramdaman nang sumayad sa lalamunan ang asim ng manga. Parang may sama pa ata ng loob si Kalb
