"Blooming ka ngayon, a. Bakit, may nangyari bang hindi namin alam? Kanina pa pang parang timang na pinipigilan mong ngumiti diyan. Ano na, Xylca. Humulagpos na ba talaga iyang turnilyo sa utak mo?"
Hindi ko nilingon si Barbie na kanina pa ako tinatanong tungkol sa biglaang 'pagbabago' ko raw. Kanina pa niya ako kinukulit pero hindi ko siya sinasagot. Busy ako sa pag-replay sa mga eksena kaninang umaga.
Paggising ko kanina ay nakaluto na si Pierce ng pagkain namin. Hinatid niya rin ako sa school gamit ang tricycle nito. Sa buong magdamag na magkasama kami ay paulit-ulit nitong sinasabi sa akin na seryoso siya sa akin, na may nararamdaman nga siya sa akin.
"Barbs, anong tingin mo kay Pierce? Okay ba siyang jowain?"
Biglang pumreno si Barbie sa paglalakad at mabilis na hinila ako sa braso
