"Hindi ka naman nagsabi na may boyfriend ka na pala. Kung hindi pa sinabi sa akin ni Barbie eh hindi namin malalaman na kayo na pala nung gwapong mama na tricycle driver."
Siniko ako ni Pariah at tinaasan ng kilay sabay inom sa coke nito. Binisita niya ako sa bahay dahil nabo-bored na raw ito kahihintay ng result sa board exam.
"Wala ka talagang balak sabihin sa amin? Pasalamat ka at busy kami sa mga buhay namin kundi ay naibalik na namin sa iyo ang mga kakulitan mo noon sa amin."
Iningusan ko ang mga ito habang nagtititingin ako sa Internet sa maaring aplayan na trabaho. Kailangan ko ng maghanap para pagkatapos ng graduation ay largo na kaagad ako.
"Uy, claim claim ka agad dyan. Hindi ko siya jowa. Nililigawan pa lang ako ni Pierce at hindi ko pa siya sinasagot."
"Pero may balak ka
