“SURPRISE!”
Nagulat ako nang may sumigaw. At kasabay ng gulat ay nakita ko si Margaux na sumugod ng yakap kay Israel. Muntik pa silang matumba dahil halos dambahin na nito ang aking kasama.
“Oops! Easy!” sambit ni Israel.
Natigilan ako. Wala akong kamalay-malay na naroon pala si Margaux sa bahay, and apparently, nakaabang kay Israel. Hindi naman kasi sinabi ni Leah na may ‘bwisita’ pala kaninang pagbuksan kami ng gate.
“Sa wakas nagpakita ka rin!” tili ni Margaux at pinisil ang magkabilang pisngi ni Israel bago muling niyakap. Kumuyom ang mga palad ko. Gusto ko sanang hilahin si Margaux palayo, pero hindi ko alam kung ano bang hinihintay ko.
“Grabe, ha! Anong sinasabi mong busy ka? Kung hindi pa’ko pumasyal hindi ko malalaman kay Ate Norma na umalis ka na pala rito kina Tita. Bak
