TUMATAWANG tinakbo ni Jelo ang papasok sa sariling kwarto. Kararating lang namin galing sa school at gaya ng usapan, dalawa kami ni Israel na pumunta para sunduin si Jelo. Sa sasakyan pa lang ay sinabi agad niya ang tungkol sa sorpresa para sa anak kaya hindi na naitago ng isa ang excitement.
“Wow! Daddy, may sarili na akong TV?”
“Yes, baby! Promise ko ‘yan sa’yo, hindi ba?”
“Yey!” Tuwang-tuwang naglulundag si Jelo. “Mommy, tingnan mo! May sarili na rin akong TV sa kwarto ko! At ang laki, kasinglaki ng TV sa office ni Daddy!”
Napangiti naman ako. Isang linggo na halos ang lumipas mula nang makalipat kami sa bagong biling bahay ni Israel na nakatayo sa isang exclusive village. Malapit lang ang subdivision sa school ni Jelo at malapit din sa opisina niya. Iyon daw talaga ang una niyang k
