PARA bang bumulusok ang dugo sa mga ugat ng tainga ko dahil sa nasaksihan. Pero bago pa ako makagawa ng bagay na pagsisihan ay nabaklas na ni Israel ang mga braso ni Joanna at tahasan itong inilayo.
“What do you think you’re doing, huh?”
Sandaling natigilan si Joanna, pero agad ding ngumiti. “Love? Ganito naman talaga ‘ko sa’yo, ‘di ba?”
Hindi na nakasagot si Israel. Napansin na marahil niya ako kaya lumipat ang atensiyon niya sa direksiyon ng pinto. Nagtagpo ang mga mata namin at nakita ko ang pagrehistro ng takot sa kaniya.
“M-Miranda, let me explain first.”
Hinayon na rin ni Joanna ang linya ng paningin ni Israel. Huling-huli ko ang pinagsama-samang gulat, pagtataka at galit sa imahe nito nang makita ako.
“You?!”
Sa pagkakataong iyon, kontrolado ko pa ang emosyon ko kaya imbe
