HINDI ako agad nakakilos nang gulatin ni Israel ng mapang-angking halik. Pumiglas ako pagkatapos. Nanulak at nag-iwas ako ng mukha, subalit nahuli ulit niya ako sabay diin ng ulo ko sa kaniya. At nang maramdaman kong hindi siya basta matitinag ay sinubukan ko namang kumalma. Unti-unti siyang huminto nang mapansing nagpapaubaya ako. Binitiwan niya ang mga labi ko at dahan-dahang tumingin sa akin na siyang hinihintay kong pagkakataon.
Sumulak ang mas matinding galit sa dibdib ko nang masalubong ko ang mga mata ni Israel. Isa pang mas matunog na sampal ang pinadapo ko sa mukha niya.
This time, siya naman ang nagulat at natigilan. Paismid akong nagtaas ng mukha sabay punas ng bibig sa harapan niya. Hindi ako tumigil sa kapapahid. Tiniyak kong mabura ang iniwan niyang laway sa mga labi ko h
