BAGO mag-alas siete ay napakain ko na ng hapunan si Jelo. Lilinisan, sesepilyuhan at bibihisan ko na lang siya ng pajamas bago patulugin. Kumain na rin si Wesley. Narinig kong inaya nito si Israel, pero nagsabi ang huli na sa labas ito kakain.
Alas ocho nang makatulog ang anak ko. Naghuhugas ako ng mga pinggan habang nasa living room naman si Wesley at gumagawa ng school works. Lumabas si Israel na bihis na bihis. Dumaan ito kay Wesley at sandaling nag-usap ang dalawa. Akala ko ay didirecho na palabas si Israel, pero pumunta siya sa kusina at mukhang may ibibilin yata sa'kin.
“Aalis ako. Hindi ko alam kung anong oras ako makakauwi.”
Tumabingi ang bibig ko sa naaasar na ngiti. Hindi niya alam kung anong oras siya uuwi? H’wag na kaya siyang umuwi at doon na tumira sa kandungan ng Joanna n
