“SALAMAT sa pagsundo. Sa susunod, h'wag ka nang mag-abala. Kaya ko namang umuwing mag-isa.”
Marahang nagbuga ng hangin si Isreal at tumango. “Magpahinga ka na.” Iyon lang sinagot niya. Tinalikuran na niya ako at pumasok na siya sa kaniyang kwarto.
Hindi ako natulog agad dahil kailangan ko pang asikasuhin si Wesley. Nagluto ako ng almusal naming lahat. Noong kasama namin si Tita Liza, hindi ko problema ito. Maaari sa kaniya na matulog na ako dahil may nakahanda nang pagkain bago umalis ang sinuman sa amin.
“Good morning, Kuya!” masiglang bati ng kapatid ko.
Kumakain na ito nang lumabas si Israel ng kwarto. Naka-office attire na siya at mukhang handa nang umalis. Napatingin ako sa orasan. Wala pang alas siete. Ganito ba lagi kaaga kapag papasok sa office ang Vice President?
“Morning,
