NAIIYAK na niyakap ako ni Tintin. Pitong buwan na ang nakalipas mula nang buksan ang thrift store at masasabi kong maganda ang pamamalakad niya roon. Kaya naman napagdesisyonan naming mag-asawa na regaluhan ang kaibigan ko. At sa araw na iyon ay sinorpresa namin siya kasama ng pamilya niya ng isang bagong bahay at lupa.
“Ivan, Andy, maraming, maraming salamat sa inyo! Hindi ko akalain na mangyayari ito! 'Yong negosyo pa lang na tulong ninyo, sobra-sobra na! Binago n'yong mag-asawa ang buhay ko! Wala akong maitutumbas sa lahat, pero hiling ko na manatiling masaya at malusog ang pamilya n'yo.”
Ngumiti si Israel at inakbayan ako. Hinimas din niya ang tiyan ko na kabuwanan na.
Bumaling sa’kin si Tintin. “Andy, ikaw talaga ang anghel sa buhay naming lahat! Hindi mo’ko kinalimutan kahit ka
