“ANO na pala ang resulta ng imbestigasyon? Alam na ba kung sino ang nagtangka sa buhay ni Mr. Napoleon?”
Nagbibihis na si Israel papasok sa opisina nang maalala kong itanong sa kaniya ang tungkol doon. Madalas kasi kaming magtawagan ni Loise at isa sa napag-uusapan namin ay ang nangyari sa opisina ng matandang Napoleon. Nalaman kong may natatanggap na palang death threat ang matanda. Iyon daw ang isa sa mga dahilan kaya pinursige nito ang pagkaka-appoint kay Israel sa Vice Presidency. Inihahanda na raw nito ang bunsong anak sa paghalili bilang CEO at President ng LIC.
“May lead na ang mga imbestigador sa kung sino ang mastermind,” sagot ni Israel. “Magkikita kami mamayang tanghali ni Genesis para makipag-usap sa kanila.”
“Kayong dalawa lang? Hindi ba kasama ang… Daddy niya?” Huling ba
