NANG natapos ang pinakahuling kinanta ng HR ay naghiyawan na nga ang mga taga-Admin. Habang halos hilingin na ni Cruzette na kainin siya ng lupa sa sandaling iyon.
Sinaid niya ang laman ng patatlong bote ng beer. Nabingi siya sa umuugong na pag-cheer ng mga ito. Kulang na nga lang ay itulak siya sa unahan.
Wala siyang choice. Hindi siya killjoy. Isa pa, kanina pa naman talaga mainit ang kasiyahan at wala siyang karapatang i-spoil iyon.
Sino bang dumating? Meron ba?
"Go, Cruz! Itayo mo ang bandera ng Admin!" sigaw ng mga ito.
Naiiling at natatawa siyang tumayo. Nakatulong ang ininom niya para labanan ang pagkailang. Parang bumalik sa kaniya ang mga panahong nagpe-perform sila ng banda. Ginigising nila noon ang gabi.
Lumapit siya sa stage at lalong nagkaingay ang mga bisita. Hinawakan
