Nakaramdam ako ng lungkot paggising ko. Ang bilis lang ng araw. Linggo na ngayon at pabalik na ako ng Manila.
Alas-singko pa lang pero gising na sina Tatay at Nanay. Masaya ang mga ito dahil sa tindahan nila at hindi na ata natulog.
Iyong iba sa pera ay ginamit ko para sa sari-sari store. Bumili din ako ng refrigerator para makapagtinda sila ng soft drinks at alak.
Nagtaka nga sila kung bakit madami akong pera. Sinabi ko lang na nakabenta ako ng condo. Naniwala naman sila.
Alam kong masamang magsinungaling pero mas okay ng magsinungaling kaysa masaktan ko sila. Hindi naman galing sa nakaw ang pera. Masama? Slight masama... siguro?
Tumanaw ako sa bintana. Napangiti ako dahil nakita kong masayang nag-uusap sina Nanay at Tatay sa labas. Nagtatawanan pa nga sila.
Kaya laking pasalam
