Hindi ako dalawin ng antok kaya nagligpit na lang ako. At iyong bagong mga dress at undies ko ay nilabhan ko na din at sinabit sa may bintana, para matuyo hanggang bukas. Isusuot ko kasi ito kapag nagkita kami ni Benj bukas.
Kanina pa ako pangiti-ngiti at natatawa. Nababaliw na yata talaga ako. Naaalala ko kasi iyong halik na pinagsaluhan namin ni Benj.
Ang sarap sa pakiramdam at parang gusto ko ulit matikman ang kaniyang mga labi.
Nagbukas ang pintuan at nagkagulatan pa kami ni Kamielle.
"Gabi na, ah. Bakit gising ka pa?"
Ngumiti ako. Hindi ko kasi alam kung saan ako magsisimula sa pagkukuwento sa kaniya ng mga nangyari.
"Nabaliw ka na..." Natatawa at pailing-iling siya.
Naghubad agad siya ng damit. Nagsuot ng pantulog niyang damit bago naupo sa kaniyang kama.
"Excited ka p
