Hindi ako makatingin nang maayos kay Sage at Makenna noong umalis kami sa club, at kahit ngayong nakasakay kami sa sasakyan pauwi sa mansiyon nila, hindi ko pa rin sila nagawang lingunin.
Nagku-kuwentuhan sila sa likuran ng sasakyan tungkol sa mga lalaking binalak na humawak at makipagsayaw sa kanila. Kinakausap rin nila ako minsan subalit tipid na tipid lang ako kung sumagot. At alam kong alam nila na nahihiya ako dahil sa ginawa namin ng gobernador sa loob ng pribadong silid na iyon.
Samantalang itong lalaking nagda-drive ngayon ay pa-easy-easy lang. Hindi mo mababakasan ng kahihiyan ang mukha niya. Nakukuha pa nga niyang kausapin ang mga kapatid niya sa normal na paraan na hindi ko magawa.
Tumitig ako kay Mykolas na palipat-lipat ang tingin sa kalsada at sa side mirror ng sasakyan. B
