Pagkatapos naming kumain ni Mykolas ay sandali lang kaming nagpahinga saka ko na siya inayang magtungo sa may swimming pool. Hindi naman ito tumanggi sa gusto ko, at katulad ko ay nagpalit na rin ito ng suot.
Iyon nga lang ay mas ginusto niyang umupo muna sa pool bench at panoorin akong lumangoy-langoy dito sa tubig. Mayroon ring nakahandang bote ng red wine at dalawang glass wine sa maliit na table sa may tabi niya.
Hindi ko alam kung bakit hindi pa niya ako sinasamahan rito. Takot pa yata siyang umitim dahil tirik na tirik pa ang araw.
Lumangoy ako tungo sa gilid ng pool kung saan malapit sa kinaroroonan niya.
"Bakit hindi ka pa bumabad rito?" tanong ko at inihilig ang mga braso ko sa semento.
"Kapag sinamahan kita diyan, alam mo na ang mangyayari," nakangisi niyang sinabi. Inabot
