"IBABA MO IYAN, Camilla," nahintatakutang anas ni Melannie habang nakatitig sa baril na nakatutok sa kaniya.
Ngumisi si Camilla. "Ayoko nga, papatayin pa kita, 'di ba?" At humalakhak ito na animo'y nasasapian na ito ng demonyo.
Takot ang namayani sa buong pagkatao ni Melannie ng sandaling iyon. Hindi niya alam ang gagawin niya. Gusto niyang tumakbo at ipagpatuloy ang pagtakas ngunit nababahala siya at baka iputok ng bruhang ito ang baril na hawak. Sunod-sunod na napalunok si Melannie ng laway at sinubukang ikalmado ang buong pagkatao habang nilalabanan ang takot na nararamdaman niya ngayon.
"Huwag mo itong gawin, Camilla. Bakit ba ang init ng ulo mo sa akin? Walang saysay kung papatayin mo ako dahil hindi ko na naman mahal si Dashiell. Kung gusto mo, angkinin mo na siya. Wala na akong p
