Iyun na lamang ang naabutan ko nang ako ay magising, ang kaniya-kaniyang paggising sa akin nina Hanji at Clarice. Nangangalay iyung braso ko sa posisyon ng aking pagkakahiga. Basa ang buong katawan ko sa pawis, luha, pati laway. Hindi ko na pala namalayan kagabi na nakatulog na ako nang tuluyan sa sahig.
Wala sa sarili ko silang hinarap. Kinapa ko ang aking cellphone sa aking tabi at tiningnan ang oras sa screen nito. Masakit iyung ulo ko na para bang nanggaling sa hangover. Hindi ko namalayang hindi ko pala kinikibo ang dalawa na nag-aalalang nakamasid sa akin.
Nang maiangat ko ang aking paningin, sinubukan kong ngumiti nang malapad, saka ko sinabing maayos lang ako.
“Bakit na sa sahig ka natutulog?” nag-aalalang tanong ni Clarice. “Uso ba iyan ngayon?” at dugtong niyang sarkasimo.
Pa
