"GANON lang 'yon!" inis na sabi sa akin ni Francis nang makipag-usap ako sa kanya.
Nang mabalitaan niyang kasama ko si Isaac na bumalik ng ibang bansa ay ilang beses niya akong tinatawagan para kausapin. Hindi ko lang siya napagbigyan dahil binigyan ko ng oras na mabuo kami bilang isang pamilya. Pinaramdam namin kay Liah ang pagkakaroon ng buong pamilya.
Nakangiti ako habang pinapanood ko ang video ni Liah at Isaac. Pinasa sa akin iyon ni Hency ngayon habang nasa opisina ako ni Francis.
"Ang sweet talaga ni Liah."
"Are you with me?" Hindi na maipinta ang mukha ni Francis nang tanungin ako.
"Ha?" Mabilis kong sinilid ang cellphone ko sa loob ng bag ko. "Anong sinasabi mo?"
Kuyom ang kamao ni Francis at halos patayin ako sa mga tingin niya. Sa halip na matakot ako ay sinandal ko ang b
