Hindi ko alam kung ano ang magiging reaksyon ko pagkatapos nang araw na 'yon. Mabuti nalang ay nagising din si Daddy at kahit papaano ay malaking bawas 'yon sa iniisip ko. Hindi ko pa nga lang din nasasabi na si Damon ang tumulong para mabigyan siya ng dugo. Siguro ay palilipasin ko muna ang ilang araw lalo na at tuwang-tuwa si Mommy.
Hindi na rin ako madalas sa Hospital dahil naroon naman na si Mommy at nagsasalitan sila nila Tito Bern. Inasikaso ko nalang ang mga anak ko habang si Klaus ay pinagpapatuloy ang trabaho niya. Nanatali ako sa bahay kinabukasan at binuksan ang mga regalong natanggap para kila Hope at Hunter.
Damit at mga laruan ang mga 'yon na magagamit ng dalawa at may mga pera pang nakaipit doon lalo na sa mga regalo ng mga kaibigan ko. Naagaw ko ng pansin ang regalo ni Da
