Nanatiling salubong ang kilay ni Damon habang abala sa ginagawa niya. Nakabalik na rin sila Marcus at Klaus at nakain na rin ang binili kong pagkain para sa kanila pero si Damon ay hindi man lang umalis sa ginagawa niya kanina pa.
Gusto ko man siyang kausapin ay hindi ko magawa dahil nakakahiya sa mga kaibigan niya kung dito pa kami mag-aaway dalawa. Habang nanonood ako sa sala ay hindi ko maiwasang mainis dahil wala naman akong ginagawang masama. Mabuti nga lang din na nakita ko si Harry dahil mas luminaw at nalaman niyang may boyfriend ako.
"Yes, I'm almost done!" Bahagyang sigaw ni Marcus.
Napatingin ako sa gawi nila at nakita ang miniature na ginagawa nila. Nang tumama ang tingin ko kay Damon ay nakita ko siyang nakatingin sa akin at agad din nag-iwas ng tingin. Napabaling nalang a
