ILANG ORAS NA akong nananatili sa selda, gusto kong umalis at puntahan si Angelica pero hindi ko magawa at nakakulong ako. Kinulong ako sa kasalanang hindi ko naman ginawa.
Kanina lamang ay kinuwento sa akin ng isang pulis ang kasalanan ko raw. Sinabi niyang sinagasaan ko raw ang isang bata at iniwan pa. Hinuli nila ako dahil nakarehistro ang plaka ng aking sasakyan na ang pangalan ko ang nakatala roon. Ang pumatay ay labag sa aking kaloonan kaya't hinding-hindi ko magagawa ang kanilang sinasabi. Isa pa'y nang panahong iyon ay wala na ako sa Pilipinas, nasa America na kami nina Martin nang mangyari ang krimen. Hindi ako gagawa ng alam kong ikakasira ko, hindi ako gagawa ng ikakapahamak ng sarili ko.
"Sayang ka, ang ganda mo pa naman pero kriminal ka!" anang isang matabang babae habang mi
