Chapter Thirty Four
KIEL
PAGSAPIT ng alas singko ng hapon ay umuwi muna ako sa bahay dahil doon ako kakain ng hapunan saka babalik sa water station. Gusto ko munang manatili doon dahil ayaw kong pati ang pamilya ko ay madamay sa pinagdadaanan ko ngayon. Tutal hindi pa naman nila alam.
PAGKAPASOK ko sa bahay ay nadatnan ko si Kyla at Mama na nag uusap.
“Nak, maupo ka muna rito,” yaya sa akin ni Mama saka kaagad akong naupo sa tabi niya at bigla akong napatingin sa hawak niya.
“Ma, sinong nagbigay diyan? Bakit na sa 'yo yan?” nagtatakang tanong ko dahil nasa palad niya ang kwintas na binigay ko kay Sav.
“Nagpunta rito kanina si Mareng Gara anak. Nasabi na rin niya sa amin ang lahat at humihingi siya ng tawad. Saka sinauli niya itong kwintas na binigay mo raw kay Savanah. Ibigay ko raw
