Chapter Thirty
KIEL
BUMALIK na ako sa bilihan ng mga damit kung saan ko iniwan saglit si Sav saka kami nagtungo sa sasakyan para makauwi na.
Pagkapasok namin ay agad ko siyang binigyan ng isang matamis na halik. Natutuwa ako na maibibigay ko na ang kwintas na matagal ding naghintay sa pagbabalik niya.
Kinuha ko iyon sa bulsa ko saka ipinakita sa kanya. Kita ko naman ang ningning sa kanyang mga mata na halatang nagustuhan niya iyon kaya naman kaagad niya akong inutusan para isuot iyon sa kanya.
Pagkalagay ko ng kwintas sa leeg niya ay tiningnan ko siya habang hawak hawak niya ang pendant na hugis puso. Mas lalong gumanda ang itsura ng kwintas dahil nakasuot iyon sa magandang binibini.
MAG AALAS singko na ng hapon nang makarating kami sa Calle Adonis. Inihatid ko muna siya sa kanila
