Akhira's Pov
"Akhi, saan si Adrian? Hindi ko yata siya nakikita?" Natigilan ako sa akmang pagsubo ng pizza dahil sa biglang tanong ni Mayu. Saglit siyang sinulyapan bago muling pinagtuunan ng pansin ang pagkain.
"Hindi ko alam. Hindi ko rin siya nakikita," kibit- balikat na sagot ko. Sinubukan kong huwag magpakita ng ano mang emosyon sa kanya kahit sa loob ko ay para bang sasabog na.
Magmula nang umuwi kami galing sa bakasyon ay hindi ko pa siya nakikita. Hindi katulad ng dati na bigla na lang siyang sumusulpot kung saan. Ngayon ay talagang hindi na siya naglalaan ng oras para sa akin.
Apat na gabi na rin akong tigang at palaging naghihintay sa kanya. Pero sa bawat gabing dumadaan ay naghihintay lang ako sa wala. Walang Adrian na dumarating para punan ang pangangailangan ng kataw
