Third-person's Point of View
Hindi na nahabol ni Felicity ang sasakyan kung saan lulan si Elyana. Tumawag siya sa mansion upang alamin kung saan dinala ito ngunit hindi raw nila alam dahil hindi pa tumatawag ang sinuman sa mga kasama ng kanilang amo sa pagsugod dito sa ospital.
Dalawa ang ospital na malapit kaya hindi alam ni Felicity alin sa dalawa ang unang pupuntahan. Nagpasya na lamang siyang puntahan pareho dahil ganoon din naman ang mangyayari kung hindi pa mabalitaan ang mga nasa mansion na kaniyang binilinan na tawagan siya kung mayroon na silang balita.
Halos paliparin niya ang kaniyang sasakyan sa kalsada. Hindi alintana ang mga kasalubong at nilalagpasan ang mga nakasasabay niya.
Kakabog-kabog ang kaniyang dibdib habang sinisisi ang sarili. Pakiramdam niya, kasalanan niya k
