Felicity’s Point of View
Pakiramdam ko kahit anong gawin ko at gamiting excuse, hindi ako basta na lang paalisin ni father. Saka isa pa, parang hindi ko rin kayang umalis. Naiisip ko ngang tumakas na lang pero parang may bumubulong sa tainga ko na huwag na huwag ko raw tatangkain dahil malalagot ako kapag bumalik ako sa bahay namin.
Parang nagbabanta pa nga sa isip ko. Pakiramdam ko katabi ko lang ang nanay ko na bumubulong-bulong. “Sige lang, Felipe. Subukan mo lang at hahambalusin kita nito!” Ganern habang may hawak na walis-tambo.
Malakas talaga ang pakiramdam ko na gawa-gawa lang ni mudra iyong sobre e. Baka talaga walang laman 'yon.
Nadala ako ng takot at hiya na rin dahil pari pa naman din ang kaharap ko. Isa pa, kailangan ko talaga ng makakausap nang araw na araw dahil imbyerna
