SABADO ng gabi. Paalis na ng bahay si Zandro nang masalubong niya ang Mommy niya sa sala. May tatlong araw na rin silang hindi nagkikita dahil madalas niyang kasama si Margareta. Ilang beses din niyang hindi binalewala ang tawag nito.
"Saan ka na naman pupunta, hejo?" usisa ng kanyang ina.
"May bibilihin lang ako sa palengke, Ma," pagsisinungaling niya.
"Ganitong oras? O baka pupuntahan mo lang si Margareta."
Hindi siya nakakibo. Hindi na siya magtataka bakit alam na nito ang tungkol sa kanila ni Margareta. Maraming tsismosang empleyado sa hotel at rancio.
Humakbang palapit sa kanya ang ginang. "Maugong na ang balita sa buong Rancio at hotel na nag-eskandalo ka noong isang araw. Kayong tatlo nina Renn at Margareta. Tama ba ang naririnig ko na may relasyon kayo ni Margareta?" usig nito
