Kanina pa ako naiinis dahil sa naririnig na kanta na kinakanta ni Dean. Tagos na tagos naman kasi hanggang sa mga buto at taba ko ang lyrics.
Mapanakit. Ipinamumukha sa akin kung gaano ako kamiserable, kung gaano ako katanga at kaawa-awa ngayon.
Pinalis ko ang tumakas na luha sa mga mata.
"Bakit ba kasi ganiyan ang kantang iyan? Mapanakit e. Palitan niyo iyan." Inis na tinuyo ko uli ang mga luhang nag-unahan sa paglandas pababa ng pisngi ko.
"Sabihin mo kay Dean. Siya naman ang kumakanta," sabi ni Barbie.
"Kanino ba kasing idea 'tong mag-videoke tayo? Akala ko mag-e-enjoy ako. Kung alam ko lang na ganiyang mga kanta ang kakantahin niyo, nagpaiwan na lang sana ako sa bahay para mag-review. Nananadya na kayo, e." Tumayo ako para mag-walk-out pero hinigit ako pabalik ni Barbie sa upu
