YAKAP ni Melody ang kanyang mga tuhod habang nakaluklok siya sa sulok ng kama. Walang tigil sa pagpatak ang kanyang mga luha. Walang kasiguraduhan kung ano ang kapalaran niya kay Ramgen. Wala na ang Gen na nakilala niya, isa na itong demonyo na unti-unting winawasak ang buhay niya. Hindi na siya sigurado kung magkikita pa sila ni Riegen.
Kumislot siya nang bumukas ang pinto. May pumasok na babaeng nakasuot ng pulang dress. Maputla ang mukha nito at makapal ang makeup. Obvious na bampira rin ito. May hawak itong nakatuping dress na kulay pula. Inilapag nito iyon.
“Wear that,” tipid nitong wika. Tumayo lang ito sa harapan ng pinto.
Kinuha naman niya ang damit. May kasama na iyong underwear. Tumayo siya at pumasok sa banyo. Naligo siya. Kakaiba ang banyo, wala ring kahit maliit na bintana,
