"But Mom, paano n'yo po nasiguro na siya si Bonenay? Kahit ako po hindi ko talaga makikilala kung ano ng itsura niya ngayon kaya imposible naman po na makilala niyo siya Mommy," naguguluhang tanong niya sa kanyang ina.
"Anak sigurado ako na si Bonenay siya. Gaya ng sinasabi mo di ba, palagi mo siya sa akin kinikwento at nasa kanya iyong kwintas ng lola mo. Hindi pa ba sapat na ebidensiya iyon sayo? Akala ko ba nagtungo ka diyan para hanapin si Bonenay at ngayong nakita ko na siya parang dismayado ka yata. Hindi ba pinagpipilitan mo pa nga sa akin na siya ang nais mong pakasalan eh bakit bigla yatang nag-iba ang ihip ng hangin ngayon? Hindi ka ba natutuwa na nakita na natin siya? Hindi ka ba natutuwa na iyon palang babaeng nais kong ipakasal sa iyo at Si Bonenay ay iisa?" nakakunot noong
